| 今朝一早就起左身, 因為應承左daddy同佢上坦州睇佢公司賽波...+客串落場踢. 大約坐左35分鍾車就到左我地既目的地啦, 一去到就換衫同熱身, 我地哥隊大部份球員都係30~50歲 度, 我同我表弟就最年青, 20歲都未到, 所以將整隊波既平均年齡拉低左dd, 咪睇佢地咁老, 佢地既防 守簡直令我敬佩, 後防超堅硬! 10.15am -- 澳門自來水 vs 坦州供水 開波啦!! 我係後備, 而我表弟就打正選. 比賽過左15分鐘到, 教練叫我到場邊, 叫我打前鋒, 入場啦! 第一次打正式比賽, 打大場草地, 感覺自 己真係好似足球員咁, 不過上半場冇乜點波, 臨完半場前我地隊波仲比對方入左1球tim, 半場澳門自 來水0:1落後. 休息左10分鐘, 球員又入番場, 不過教練收起左我同表弟, 下半場10分鐘, 我表弟入場, 而我係幾分鐘 之後都入場啦, 雙方互有攻守, 過左15分鐘我表弟被調離場, 而我就由進攻中場轉打左翼 (即係洛賓 個位), 打3個前鋒, 好明顯我地既攻勢多左, 不過入唔到波. 80分鐘, 我係禁區博十二碼, 不過博唔到, 比球證睇穿左 =D, 打左左翼之後我多波點左, 進入補時階段, 澳門自來水右翼右邊傳中, 前鋒比人 睇實攞唔到波, 我衝前攝入中路, 對方龍門出迎, 我用腳面輕輕一射 (因為我驚大力會飛機), 個波好 慢咁碌左入網... GOAL!!!!! 我竟然入波, 好僥倖咁入左1球. 比賽剩餘分半鍾, 坦州供水狂攻澳門自 來水, 但澳門自來水既後防超堅硬, 完全破解對方既進攻, 最終澳門自來水1:1迫和坦州供水. 入波之後既感覺超興奮, 雖然冇贏到, 但係可以幫球隊迫和對手, 真係好開心! 最大功臣都係一班老 前輩, 一班老而彌堅既後防, 冇左佢地我地好有可能比人炒6球以上, 仲有一個叫 "肥仔" 既人, 佢真係 好肥, 不過前,中,後佢睇晒, 好夠氣, 仲好有速度, 勁呀! 今晚同姑姐去英皇食自助餐, 都幾好味, 食完之後約左frds去飲野吹水, 臨返英國前最後一次見佢地. 星期二上機啦, 而我既悠長假期都完啦, 係時候收拾心情讀書lu!! |
